A wani yunkurin nuna tausayawa da jin kai ga yan kasuwar garin Shuwarin, gwamnan jihar Jigawa Alh. Muhammad Badaru Abubakar ya yarda a dawo cin kasuwar mako-mako bayan da ya bayar da umarnin kulleta cikin makon nan.
Tun farko gwamnan ya sanya an kulle kasuwar ne saboda kin yin biyayya da dokokin matakan kariya daga annobar Korona da aka shinfida ga kowacce kasuwa a jihar.
Sai dai matar na tuba ba ta rasa miji, shugabannin yan kasuwar sun kaiwa gwamnan ziyara tare da alƙawarin bin dokoki matukar ya amince suka dawo hada-hadarsu.
Hakan ta sanya gwamna Badaru amincewa tare da yi musu gargadi a matsayin damar karshe gare su.
- Akalla mutane 2,000 ne suka amfana tallafin Shinkafa daga AA Rano a karamar Hakumar Hadejia
- Kwamishinan ‘yan sandan Kano ya ziyarci kasuwar Kwalema, inda aka samu tashin gobara
- Gwamnatin jihar Jigawa ta tallafawa mata da rabon awaki 264 a karamar hakumar Birniwa.
- Kungiyar gwamnonin jam’iyyar PDP sunyi alwashin kalubalantar matakin Tinubu kan jihar Rivers
- Za mu bi hanyoyin da doka ta tanada wurin dawo mana da haƙƙinmu – Fubara
Babban Mataimaki na Musamman Ga Gwamnan Jihar Jigawa a kan Kafafan sadarwar zamani Auwal D Sankara, ya bayyana cewa gwamna Badaru ya fi bayar da fifiko kan lafiyar jama’arsa fiye da batun ribar kasuwanci.
Shugaban yan Kasuwar Alhaji Muhammad Adamu wanda ya samu jagorancin shugaban majalisar dokokin jihar Alhaji Idris Garba Jahun sun roki gwamnan da ya amince ya bawa yan kasuwar wata damar, sun yarda zasu bi duk ka’idodin da aka shinfida.
Shi ma shugaban karamar hukumar Kiyawa Malam Isyaku Adamu yayi gargadin cewa zasu dauki tsattsauran mataki kan duk wanda aka samu yaki bin dokar, domin shi da kansa zai jagoranci kwamitin da zai na kula da al’amuran kasuwannin.
