Kungiyar marayu ta karamar hukumar Kaugama ta raba buhunan shinkafa da man girki da kuma kudi naira dubu biyu ga gidajen marayu 120
Kungiyar marayu ta karamar hukumar Kaugama ta raba buhunan shinkafa mai nauyin kilogram 25 da man girki da kuma kudi naira dubu biyu ga gidajen marayu 120 kowanensu a karamar hukumar Kaugama.
Shugaban kungiyar, Malam Ahmad Mai-unguwa ne ya bayyana haka lokacin kaddamar da rabon kayayyakin a fadar mai girma Hakimin Kaugama.
Malam Ahmad Mai-unguwa yayi bayanin cewa kungiyar ta kuma raba katon din taliya dai-dai da kudi naira dubu dai-dai ga gidajen masu karamin karfi guda 150 a yankin a matsayin tallafin watan Ramadan.
Yace kungiyar tana raba irin wadannan kayayyaki kowane watan Ramadan ga gidajen marayu da na masu karamin karfi domin tallafa musu a cikin wannan watan mai alfarma.
