Shugaba Buhari ya yi alkawarin yin duk mai yiwuwa don magance matsalolin tsaro da kasar Najeriya ke fuskanta

0 51

Shugaban Kasa Muhammadu Buhari ya yi alkawarin yin duk mai yiwuwa don magance matsalolin tsaro da kasarnan ke fuskanta, inda ya bayyana fatansa na gudun barin gwamnati a matsayin wanda ya gaza.

Shugaba Buhari ya yi alkawarin a jiya yayin taron majalisar tsaro ta kasa a Fadar Shugaban Kasa dake Abuja.

Mai bayar da shawara kan harkokin tsaro na kasa, Manjo Janar Babagana Monguno mai ritaya, wanda ya yiwa manema labarai bayani a fadar shugaban kasa bayan taron, ya ce Shugaban kasar ya nuna farin cikinsa kan nasarorin da hukumomin tsaro suka samu zuwa yanzu a yakin da ake yi da masu tayar da kayar baya, da ‘yan fashin daji, da masu garkuwa da mutane da sauran masu aikata laifuka a sassa daban-daban na kasarnan.

Monguno ya ce Shugaban kasar ya kuma nuna a shirye yake ya yi wasu sauye-sauye a tsarin tsaro na kasarnan, idan hakan ya zama dole.

Leave a Reply

%d bloggers like this: