A jiya Litinin ne wasu ‘yan bindiga suka kashe mutane biyu tare da yin garkuwa da wani dan kasuwa mai suna Nasiru Na’ayya a kauyen Gangarbi da ke karamar hukumar Rogo a jihar Kano.
Wani ganau wanda kuma dan uwan mamacin ya ce yan bindigar sun kai farmaki gidan Na’ayya ne da misalin karfe 12 na dare inda suka fara harbin iska.
Wata majiya da ta nemi a sakaya sunanta ta kuma ce a baya-bayan nan ne aka kai hare-haren Gangarbi da kauyukan da ke makwabtaka da su kamar Bari da Gwangwan.
Rahotanni sun ce kauyen na kan iyaka da jihohin Kaduna, Katsina da Kano. Da aka tuntubi jami’in hulda da jama’a na rundunar ‘yan sandan Kano, SP Abdullahi Haruna Kiyawa, ya ce bai san da faruwar lamarin ba amma da zarar ya samu cikakken bayani zai tabbatar da faruwar lamarin.
