Gwamnan Jihar Abia, Alex Otti, ya bayyana cewa gwamnatin jihar za ta ware Naira biliyan 5 don horarwa da bunkasa ma’aikata a fannin aikin gwamnati a shekarar 2026. Ya ce gwamnati za ta mayar da hankali wajen tabbatar da cewa kowa yana aiki a ofishin da ya dace, tare da kara kwarewa da inganta ayyuka.
Otti ya kara da cewa za a ci gaba da inganta hanyoyi da sufuri, ciki har da shirin sabbin motoci masu amfani da lantarki da gina tashoshin sufuri na zamani, domin rage kudin sufuri, kara ayyukan yi da bunkasa tattalin arziki a jihar.