Kasar Faransa ta kwace kusan Euro miliyan 850 na kadarorin kasar Rasha a cikin kasarta, a cewar ministan kudin Faransa.
Hakan na nufin masu kamfanin oligarch ba za su iya, sayar wa ko morar dukiyarsu ba.
Tun bayan da Rasha ta fara yakinta a Ukraine a ranar 24 ga watan Fabrairu kasashen yammacin duniya suka mayar da martani ga kasar cikin tsattsauran takunkumai tattalin arziki.
A ranar Juma’a, babban bankin kasar Rasha ya ce girman takunkumin zai sanya kasar cikin tattalin arziki mai matukar wahala.
Kwanaki 4 bayan da aka fara mamayar gwamnatin Rasha ta kara kudin ruwanta daga kashi 9.5 zuwa kashi 20 cikin 100 awani yunkuri na samarwa kanta mafita saboda mamayar.