Za a samar da fanfunan burtsatse guda 270 ga al’ummar Fulani a jihar Jigawa

Kungiyar Fulani Miyatti Allah Kautal Hore ta kasa reshen Jihar Jigawa hadin gwiwa da ma’aikatar ruwa ta jiha, na shirin samar da fanfunan burtsatse ga al’ummar Fulani a rugage 270 zuwa farkon shekara mai kamawa.

Shugaban kungiyar na jiha Malam Umar Kabiru Dubantu Hadejia shine ya sanar da haka yayin fira da wakilinmu, Faruk Ahmad Kafin Haausa.