Karamar Hukumar Kafin Hausa ta kafa kwamiti domin yin sintirin hana fulanin Udawa lalata kayayyakin amfanin gona da nufin wanzar da zaman lafiya da kwanciyar hankali a yankin
Shugaban KH Alhaji Muhammad Saminu Yahaya ya bayyana hakan a lokacin kaddamar da kwamitin, inda ya bukaci yan kwamitin su gudanar da aikinsu bil hakki da gaskiya
A jawabinsa shugaban kwamitin ta hannun sakataren kwamitin kuma shugaban sashen aikin gona da albarkar kasa, Ahmed Tijjani ya yi alkawarin yin aiki tukuru domin tabbatar da zaman lafiya a tsakanin bangarorin biyu
Ya kuma bukaci manoma dasu kasance masu bin doka da oda domin tabbatar da zaman lafiya a fadin yankin
Kwamitin ya kunshi sarakuna da shugabannin addinai da manoma da makiyaya