Hukumomi a jihar Neja sun rufe tare da rusa babbar kasuwar Madalla ta mako-mako a karamar hukumar Suleja.
Kasuwar wadda take haifar da cinkoso mai tarin yawa a kan babbar hanyar Abuja zuwa Kaduna, ta dade tana ciwa matafiya tuwo a kwarya da kuma jami’an yankin baki daya.
Gwamna Mohammed Umaru Bago, a lokacin hawan sa kan karagar mulki, ya yi alkawarin sauya wa kasuwar matsugunni a wani bangare na shirin gwamnatinsa na sabunta birane. Hukumomin Karamar hukumar Suleja da ke kula da kasuwar ne suka rusa ginin kasuwar.
