Our focus is to educate, entertain, inform and enlighten the populace, investigate for truth as a credible source of information.
Latest posts by Sawaba FM (see all)
- Anyi hasashen samun ruwan sama hade da tsawa a fadin kasarnan daga yau zuwa ranar Laraba - August 23, 2021
- Wata kungiyar adawa ta ce tana da dubban mayaka da zasu fafata yaki da yan Taliban a Afghanistan - August 23, 2021
- ‘Yan bindiga sun kashe mutane 4 tare da sace wasu 50 a karamar hukumar Maradun ta jihar Zamfara - August 23, 2021
Hukumar Zaɓe Mai Zaman Kanta ta Jihar Jigawa, JISIEC ta tsayar da 29 ga watan Yuni a matsayin ranar da za ta gudanar da zaɓen ƙananan hukumomi a ƙananan hukumomi 27 dake jihar.
Shugaban JISIEC, Muhammad Ahmad ya sanar da hakan a wata tattaunawa da Kamfanin Dillancin Labarai na Ƙasa, NAN a Dutse yau Laraba.
Ya ce an kammala dukkan shirye-shiryen da suka wajaba don gudanar da zaɓen ƙananan hukumomin mai zuwa.“Mun yi dukkan shirye-shiryen da suka zama wajibi na ɗaukar ma’aikatan wucin gadi, tsaro, kayan aikin zaɓe, shirye-shirye da sauran abubuwa don tabbatar da cewa an gudanar da zaɓen yadda ya kamata.
“Za mu tabbatar da cewa mun yi dukkan abubuwa da suka zama wajibi don samun zaɓe na adalci, kuma mai tsafta.“A nan nake yin watsi da jita-jitar da wasu mutane ke yaɗawa cewa ba za a yi zaɓen ƙananan hukumomi ba.
“Ina mai tabbatar wa dukkan wanda ya cancanci kaɗa ƙuri’a a Jigawa cewa tabbas za a yi zaɓe”, in ji shi.
