Amir Muhammad Harbo is a researcher, digital forensic journalist and a fact-checker.
Latest posts by Sawaba FM (see all)
- Yadda yan IPOB suka kashe ‘yan Arewa 10 ciki har da mace mai juna biyu da ‘ya’yanta 4 da wasu mutane 6 a jihar Anambra - May 24, 2022
- Sama da mutane 30 ne aka ruwaito sun bace a jihar Borno bayan da wasu da ake zargin ‘yan bindiga ne suka kai musu hari - May 24, 2022
- Tsohon gwamnan jihar Gombe, Ibrahim Dankwambo, ya karbi tikitin takarar Sanatan Gombe ta Arewa domin tsayawa takara a jam’iyyar PDP a 2023 - May 24, 2022
Hukumar Hana Sha Da Fataucin Miyagun Kwayoyi ta Kasa (NDLEA) ta bayyana cewa Jami’an ta sun kama Ma’aikatan tsaro na Bogi 2 dauke da tabar wiwi Rol 25 da kuma Kwalba dubu 1,598 na Maganin Tari wato Codeine a Jihar Yobe.
Daraktan Hulda da Kafafen Yada Labarai na Hukumar Mista Femi Babafemi, shine ya bayyana hakan cikin wata sanarwa da aka rabawa manema labarai a jiya.
Sanarwar ta ce Mutanen da aka kama sun hada da Akalonu Justin da kuma Azimbi Festus, kuma an kama sune a lokacin da suka fito daga Onitsha domin zuwa Maiduguri na Jihar Borno.
Hukumar ta ce ta yi nasarar gano wata tabar wiwi mai nauyin Kilogram 85 a wani wurin ajiya mallakin Dilan kwayoyi da ke Pawari a birnin Damaturu na Jihar Yobe.
Shugaban Hukumar na Kasa Birgediya Janar Muhammed Buba Marwa (Mai Ritaya) ya yabawa Jami’an hukumar kan yadda suke gudanar da ayyukan su cikin kwarewa a kokarin da suke yi wajen ganin sun dakile safarar kwayoyi.
