Majalisar zartarwa ta tarayya ta bayar da kwangiloli 878 a jumlace tun farkon gwamnatin shugaba Buhari

0 57

Majalisar zartarwa ta tarayya ta bayar da kwangiloli 878 a jumlace tun farkon gwamnatin Shugaban Kasa Muhammadu Buhari daga watan Mayun 2015 zuwa yanzu.

Sakataren Gwamnatin Tarayya, Boss Mustapha ne ya bayyana hakan a jiya yayin bude wani taron bita na kwanaki biyu na ayyukan ministoci a Abuja.

Sai dai, bai bayar da cikakkun bayanai game da kwangilolin ba amma yace an amince da su ne don samar da ababen more rayuwa, wanda aka tsara don bayar da damar habaka tattalin arziki da samun cigaba cikin gaggawa.

An shirya taron ne domin tantance cigaban da aka samu wajen cimma muhimman abubuwa guda 9 na gwamnatin shugaban kasa Muhammadu Buhari.

Taron ya samu halartar manyan jami’an gwamnati da suka hada da Shugaban Kasa Muhammadu Buhari da Mataimakin Shugaban Kasa Yemi Osinbajo da Shugaban Majalisar Dattawa, Ahmad Lawan da Kakakin Majalisar Wakilai, Femi Gbajabiamila.

Leave a Reply

%d bloggers like this: