Sufeto-Janar na ’Yan Sanda, Tunji Rilwan Disu, ya yi alkawarin ceto ɗalibai da malamai da aka sace a jihar Oyo cikin ƙoshin lafiya.
Ya bayyana cewa rundunar ’yan sandan Najeriya za ta yi amfani da duk hanyoyin doka da dabarun tsaro da suka dace domin ganin an kuɓutar da waɗanda aka yi garkuwa da su ba tare da wata illa ba.
Sufeto-Janar ɗin ya tabbatar da cewa jami’an tsaro na ci gaba da gudanar da bincike da kuma ɗaukar matakan da suka dace domin gano inda masu garkuwar suke da kuma ceto waɗanda abin ya shafa.
Ya kuma jaddada aniyar rundunar wajen tabbatar da tsaron rayuka da dukiyoyin al’umma, tare da tabbatar wa iyalan waɗanda aka sace cewa ana yin duk mai yiwuwa domin ganin an dawo da su cikin aminci.
