Kamar yadda muka samu rahoto daga bbchausa, ‘yan bindiga sun harbi Ministan Sufuri na Uganda, Katumba Wamala, a kusa da gidansa da ke Kampala babban birnin ƙasar.
Shaidun gani da ido sun ce ‘yan bindigar sun isa wurin ne a kan babur.
Janar Katumba Wamala tsohon kwamanda ne a rundunar sojan ƙasar.
Ƙasar ta fuskanci irin waɗan nan hare-hare a ‘yan shekarun nan, waɗanda ‘yan bindiga ke kaiwa a kan babura.
A watan Yunin 2018, an harbe wani shahararren ɗan siyasa mai suna Ibrahim Abiriga a kusa da gidansa, wanda magoyin bayan Shugaba Yoweri Museveni ne.
Tsohon kakakin ‘yan sanda, Andrew Felix Kaweesi, shi ma ta irin wannan hanyar aka kashe shi a Afrilun 2017.
Wannan rahoto yaha yake kamar yadda bbchausa ta rawaito.