An kama mutane 8 da bacewar Naira biliyan 4 mallakar gwamnatin jihar Kano

0 95

Shugaban Hukumar Korafe-korafen Jama’a da Yaki da Cin Hanci da Rashawa ta Jihar Kano Muhi Magaji Rimin Gado, a jiya ya tabbatar da cewa hukumar ta kama mutane 8 da bacewar Naira biliyan 4 mallakar gwamnatin jihar.

Muhi ya yi zargin cewa an fitar da kudaden ne daga asusun kamfanin samar da noma na Kano a zamanin gwamnatin da ta gabata.

A yayin wani rangadin binciken da shugaban hukumar ya gudanar, an gano wani rumbun ajiya inda aka ce an yi amfani da kudin da suka bata wajen siyan manyan motoci da manyan motocin haya da taraktoci a karamar hukumar Kumbotso.

A cewarsa, an karkatar da kudaden ne daga kamfanin samar da noma na Kano, zuwa wata kungiya, mai rijista a karkashin hukumar kula da harkokin kasuwanci.

Ya bayyana cewa, an yi zargin an cire kudaden ne daga gwamnatin jihar Kano a matsayin tallafi ga kamfanin samar da noma na Kano, amma an zaftare su ne, ta hanyar yin amfani da kungiyar masu rijista da kasuwanci, wani kamfani da aka gano.

Bugu da kari, ya bayyana cewa, hukumar ba ta gamsu da yadda ake gudanar da wasu hada-hadar kasuwanci tsakanin kamfanoni da wasu bankuna ba, inda ya sanar da cewa za a iya gayyatar wasu manajojin bankin don warware wasu batutuwa.

Leave a Reply

%d bloggers like this: