Sabbin alkaluma sun nuna cewa Jihar Jigawa State ta karɓi jimillar Naira biliyan 55.74 daga rabon kuɗaɗen tarayya na FAAC a tsakanin watannin Janairu zuwa Maris na shekarar 2026.
Bayanan sun nuna cewa Jigawa ta zo a matsayi na tara (9) cikin jihohin Najeriya wajen yawan kuɗaɗen da aka raba a wannan lokaci, inda ta zarce jihohi da dama da suka haɗa da Kaduna, Bauchi, Sokoto da Zamfara.
Jihar Lagos State ce ta fi kowace jiha karɓar kuɗi da Naira biliyan 200.21, sai Delta da Naira biliyan 143.41, yayin da Rivers ta zo ta uku da Naira biliyan 123.96.
Masana harkokin tattalin arziki na ganin cewa irin wannan kaso na kuɗaɗen shiga daga tarayya na ba jihohi damar aiwatar da manyan ayyukan raya ƙasa, musamman a fannonin ilimi, lafiya, noma da samar da ababen more rayuwa.
Al’ummar Jigawa na sa ran ganin yadda gwamnatin jihar za ta ci gaba da amfani da waɗannan kuɗaɗe wajen aiwatar da shirye-shiryen ci gaba da inganta rayuwar jama’a a faɗin ƙananan hukumomin jihar.
Manyan Jihohi 10 da Suka Fi Karɓar Kuɗin FAAC (Janairu–Maris 2026):
1. Lagos – ₦200.21bn
2. Delta – ₦143.41bn
3. Rivers – ₦123.96bn
4. Bayelsa – ₦114.48bn
5. Akwa Ibom – ₦109.76bn
6. Kano – ₦75.04bn
7. Oyo – ₦68.98bn
8. Ondo – ₦53.50bn
9. Jigawa – ₦55.74bn
10. Katsina – ₦52.58bn
Rahoton ya nuna cewa Jigawa na daga cikin jihohin da suka samu kaso mai tsoka daga rabon kuɗaɗen tarayya a farkon watanni uku na shekarar 2026.
