‘Yan bindiga sun fusata kan rufe kasuwannin mako-mako da gwamnatin jihar Zamfara ta yi

By Amir Muhammad Last updated Aug 31, 2021

A member of the Yansakai vigilante group poses for a portrait at the Zamfara State Government house as their members surrendered more than 500 guns to the Zamfara State Governor, Bello Matawalle, as part of efforts to accept the peace process of the state government in Gusau, on December 3, 2019. - Attacks on villages has seen gangs of bandits terrorise remote communities for years in this impoverished region of Zamfara. Zamfaras government brokered a controversial peace deal to halt the spiral of violence between bandits and armed vigilante groups opposing them. At a ceromony before the regional governor Bello Matawale, hundreds of the fighters unloaded sacks full of Kalashnikovs and locally made hunting rifles as part of their promise to disarm. (Photo by Kola Sulaimon / AFP) (Photo by KOLA SULAIMON/AFP via Getty Images)

‘Yan bindiga da aka ce sun fusata kan rufe kasuwannin mako-mako da gwamnatin jihar Zamfara ta yi, sun kashe wani jami’in karamar hukuma da wata ‘yar kasuwa a jihar.

Wani injiniya kuma daraktan ayyuka a karamar hukumar Kauran Namoda mai suna Umaru Moriki, da wata shahararriyar ‘yar kasuwa a yankin mai suna Rumba Jengeru, an kashe su lokacin da ‘yan fashin dajin suka bude wa matafiya wuta a kan hanyar Kaura Namoda zuwa Moriki zuwa Shinkafi.

Harbe-harben ya shafi wani tsohon shugaban karamar hukumar Shinkafi, amma ya tsira da raunuka.

Wani mazaunin yankin mai suna Mohammed Usman, ya ce ya halarci jana’izar Rumba Jengeru a babbar makabartar garin Shinkafi.

Mohammed Usman ya ce sabbin hare-haren da aka kai a Shinkafi da Zurmi da Kaura Namoda da sauran yankuna sun kasance martani ne ga sabbin matakan da gwamnan ya dauka don magance matsalar rashin tsaro.