INEC na shirin tura ma’aikata 46,084 domin gudanar da zaben gwamna a jihohin Bayelsa, Imo da Kogi

0 138

Hukumar Zabe Mai Zaman Kanta ta Kasa, INEC, ta ce ta na shirin tura ma’aikata dubu 46,084 domin gudanar da zaben gwamna na ranar 11 ga watan Nuwamba a jihohin Bayelsa, Imo da Kogi.

Shugaban hukumar Farfesa Mahmood Yakubu ya bayyana haka a taron da hukumar ta saba yi duk rukuni uku na shekara da kwamishinonin zabe a Abuja.

Mahmud Yakubu ya kuma ce wakilan jam’iyyar dubu 137 da 934 da ke wakiltar jam’iyyun siyasa 18 da suka kunshi kuri’u 130,093 da kuma wakilai 7,841 za su kasance a filin zaben.

Mahmud Yakubu ya ce irin wannan gagarumin aikin na bukatar samar da ingantaccen muhalli wanda a cewarsa ya wuce hurumin hukumar nan take.

Da yake nanata damuwar hukumar game da matsalar rashin tsaro da tashe-tashen hankula masu nasaba da zabe a jihohin uku, Farfasa Yakubu ya ce hukumar ta INEC ta tabbatar da cewa an samar da isassun jami’an tsaro.

Leave a Reply

%d bloggers like this: