Janar Abdourahmane Tchiani ya ayyana kansa a matsayin sabon shugaban kasar Nijar

0 433

Janar Tchiani mai shekaru 62, ya kasance mai kula da tsaron fadar shugaban kasa tun shekara ta 2011, kuma tsohon shugaban kasar Mahamadou Issoufou ya kara masa girma zuwa mukamin Janar a shekarar 2018.

Janar Omar Tchiani ya kaddamar da wani samame ne tun a ranar Larabar da ta gabata a lokacin da rundunar tsaron fadar shugaban kasar da ya jagoranta ta kama shugaban kasar.

Wannan ya kai ga yin juyin mulki na farko cikin lumana da dimokuradiyya tun bayan samun ‘yancin kai a 1960.

Ana kyautata zaton shugaba Mohamed Bazoum na cikin koshin lafiya, kuma har yanzu ana tsare da shi a hannun jami’an tsaronsa.

Masu fafutuka na kasa da kasa da suka hada da Tarayyar Afirka, kungiyar kasashen yammacin Afirka (Ecowas), EU, da Majalisar Dinkin Duniya sun yi Allah wadai da juyin mulkin.

Leave a Reply

%d bloggers like this: