Akalla mutane 25 ne aka kashe a hare-haren da aka kai wasu kauyukan kananan hukumomi uku na jihar Benue

Labarai
By Amir Muhammad
Governor of Benue State Samuel Ortom points to bodies of people during a funeral service for scores who died following clashes between Fulani herdsmen and natives of Guma and Logo districts at Ibrahim Babanginda Square in the Benue State capital Makurdi, on January 11, 2018. Violence between the mainly Muslim Fulani herdsmen and Christian farmers has claimed thousands of lives across Nigeria's central states over the past few decades. The conflict is being driven by an increasing need for resources -- primarily land and water -- and is often exacerbated by ethnic and sectarian grievances. / AFP PHOTO / PIUS UTOMI EKPEI (Photo credit should read PIUS UTOMI EKPEI/AFP via Getty Images)
0 82

Akalla mutane 25 ne aka kashe a hare-haren da aka kai wasu kauyukan kananan hukumomi uku na jihar Benue da safiyar yau.

An bayyana cewa, kauyukan da ke kananan hukumomi uku na Guma, Logo da Tarka sun sha fama da harbe-harbe daga karfe 8 zuwa 3 na dare a jiya, a wani hari da wasu mahara suka kai.

An gano gawarwaki 15 a wani kauye da ke karamar hukumar Tarka yayin da aka gano wasu 9 a Guma sai kuma gawar wani basarake a Logo.

Mazauna kauyukan sun ce adadin gawarwakin na iya karuwa saboda ana cigaba da neman wadanda suka bace a lokacin da ake gabatar da wannan rahoton.

Shugaban karamar hukumar Guma, Caleb Aba, ya tabbatar wa manema labarai cewa an kashe mutane bakwai a wani hari da aka yi kan wani kauye a karamar hukumar Guma.

Mai baiwa gwamnan jihar shawara na musamman kan harkokin tsaro Paul Hemba, ya ce adadin wadanda suka mutu ya zuwa yanzu zai iya haura 25 kasancewar ana cigaba da neman wadanda suka bata.

Amir Muhammad 2979 posts 0 comments

Amir Muhammad Harbo is an accomplished researcher, digital journalist, and dedicated fact-checker, currently serving as the Head of Digital Operations.

You might also like More from author

Leave a Reply

%d bloggers like this: