Gwamnatin jihar Jigawa ta yabawa babban sufetan ‘yan sanda na kasa bisa kokarinsa na samar da zaman lafiya da kawo karshen matsalar tsaro a kasar nan.
Gwamna Muhammad Badaru Abubakar ya bayyana haka lokacin da ya karbi bakuncin babban sufetan ‘yan sanda na kasa Usman Alkali Baba a gidan gwamnati dake Dutse.
Yace ya zama wajibi a yabawa babban sufetan bisa la’akari da irin gudunmawar da ya bayar wajen bullo da tsare tsaren kawo karshen matsalar tsaro a kasar nan.
Gwamna Badaru ya bayar da tabbacin cigaba da hada kai da yansanda da sauran hukumomin tsaro wajen tabbatar da kare rayuka da kuma dukiyoyin al’umma.
A jawabinsa babban sufetan yansandan na kasa Usman Baba Alkali yace sun kawo ziyara jihar Jigawa ne a cigaba da rangadin jihoshin kasarnan 36.
Ya yabawa gwamnatin jihar Jigawa bisa hadin kai da tallafin da take bawa hukumomin tsaro.
