Manyan kasashen Turai sun yi Allah-wadai da matakan da Rasha ta dauka kan yaki da kasar Ukraine

Cikin gaggawa, ƙasashen Turai sun yi Allah-wadai da matakan da Rasha ta ɗauka na ƙaddamar da yaƙi kan Ukraine.

Wani mai magana da yawun gwamnatin Jamus ya bayyana cewa shugaban gwamnatin ƙasar, Olaf Scholz ya yi magana da Shugaban Ukraine Volodymyr Zelenskiy kuma ya tabbatar masa da Jamus za ta goya masa baya.

Shi ma Firaiministan Birtaniya Boris Johnson ya ce ya kaɗu da harin da Rasha ta kai wa Ukraine inda ya ce Birtaniya za ta mayar a martani.

Shi ma Firaiministan Italia Mario Draghi ya ce matakin da Rasha ta ɗauka bai dace ba.