Nasir Charity Development Foundation (NANAS) sun aurar da mata 300 a garin Birnin Kebbi

0 73

Gwamnatin jihar Kebbi karkashin jagorancin Gwamna Nasir Idris tare da hadin gwiwar gidauniyar Nafisa Nasir Charity Development Foundation (NANAS) sun aurar da mata 300 a garin Birnin Kebbi tare da shawartar ma’auratan da su kasance masu sada zumunci da son juna.

Bikin wanda ya gudana a fadar Mai Martaba Sarkin Gwandu, Gidauniyar NANAS ce ta shirya, wanda matar Gwamnan, Hajiya Nafisa Nasir Idris ta kafa.

Da take jawabi a wajen bikin mai dakin gwamnan jihar tace, an gudanar da auren ne a wani yunkuri na rage yawan zawarawa da kuma mace-macen aure a cikin al’umma.

Kakakin majalisar dokokin jihar Hon. Muhammad Usman Ankwe, shine ya wakilci gwamna a wajen bikin daurin auren, inda ya bayyana cewa, za’a gudanar da irin wannan daurin auren lokaci-lokaci domin taimakawa marasa galihu maza da mata. Dakta Nasir Idris ya ce, gwamnatinsa ta bayar da jimillar Naira miliyan 21 a matsayin sadaki ga matan da aka daura wa aure 300 da suka fito daga kananan hukumomin jihar 21, inda kowace amarya za ta samu sadaki Naira 70,000.

Leave a Reply

%d bloggers like this: