Rundunar ‘yan sandan jihar Jigawa ta kama wasu mutum kunshin tabar wiwi da sholisho

0 84

Rundunar ‘yan sandan jihar Jigawa ta kama wasu mutane bakwai lokacin da ta kai farmaki zuwa wajen aikata laifuka da maboyar batagari a kananan hukumomin Birninkudu da Gwaram.

Jami’in hulda da jama’a na rundunar ‘yan sandan jihar, ASP Lawan Shiisu, ya tabbatar da kamen ga Kamfanin Dillancin Labarai na kasa a yau a Dutse.

Shiisu Adam ya ce uku daga cikin wadanda ake zargin, masu shekaru tsakanin 20 zuwa 28, an kama su ne a kauyen Babaldu da ke karamar hukumar Birninkudu, lokacin da tawagar ‘yan sanda da ke sintiri suka kai farmaki zuwa wajen aikata laifuka da maboyar batagari a garin.

Ya bayyana cewa an samu kunshi 85 na ganyen da ake zargin tabar wiwi ce, da kwayoyi guda 136, da sholisho ga 24, da kuma wuka guda daya a yayin farmakin.

Shiisu Adam ya kara da cewa ana cigaba da gudanar da bincike kafin a gurfanar da wadanda ake zargin a gaban kotu.

Leave a Reply

%d bloggers like this: