Shugaban Kungiyar ‘Yan Tawaye Ta RSF Yace A Shirye Yake Domin Ya Gana Da Hafsan Hafsoshin Kasar Sudan
Shugaban wata sananniya kungiyar ‘yan tawaye kuma mai karfin fada-a-ji ya ce a shirye yake ya gana da hafsan hafsoshin kasar Sudan domin kwantar da tarzoma a baya-bayan nan, a cewar masu shiga tsakani.
Rahotannin cikin gida na cewa jakadun kasashen Yamma sun gana da shugaban kungiyar ta RSF Janar Mohamed Hemeti Dagalo kwana guda bayan da sojojin Sudan suka zargi kungiyar ta RSF da haddasa rikici.
Ya kamata kasar ta mika mulki ga farar hula bayan hambarar da shugaba Omar al-Bashir a 2019.
Amma juyin mulki bayan shekaru biyu ya dakatar da wannan aikin. An yi ƙoƙari na biyu na ƙara komawa zuwa mulkin farar hula saboda tashe-tashen hankula tsakanin RSF da sojoji.
Wani bangare na shirye-shiryen mika mulki ya hada da shigar da kungiyar RSF cikin sojojin kasa, amma lokacin da aka tattauna wannan a watan da ya gabata, kungiyar ta RSF ta gaggauta fara sake tura mayaka zuwa babban birnin kasar, Khartoum, da sauran wurare.
