Yansanda na shirin zanga-zanga domin neman a kara musu albashi da alawus-alawus

499

Sufeto Janar na ‘Yansanda, Usman Alkali Baba, yace babu wani dansanda da zai gudanar da zanga-zanga saboda kin aiwatar da karin albashi saboda ya san illar hakan.

Alkali Baba ya sanar da hakan lokacin da yake mayar da martani dangane da rahotannin kafafen yada labarai a jiya dake cewa ‘yansanda na shirin zanga-zanga a ranar 26 ga watan Maris domin neman a kara musu albashi da alawus-alawus.

Ministan harkokin ‘yansanda, Muhammad Dingyadi, a bara yace za a fara aiwatar da sabon tsarin albashin ‘yansanda daga watan Janairun bana, amma hakan bai samu ba har yanzu.

Babban sufeton na ‘yansanda cikin wata sanarwa da ya fitar a jiya ta hannun mukaddashin kakakin ‘yansanda, Muyiwa Adejobi, yace abu ne mai muhimmanci a jaddada cewa rundunar ‘yansandan Najeriya hukumace mai biyayya ga shugabanni wacce take da dokoki da ka’idojoji wajen bayyana bacin rai kuma babu batun zanga-zanga ko yajin aiki.

Ya bayyana rahoton zanga-zangar da ‘yansanda za su yi da cewa aikin wasu bata gari ne da suka kitsa da nufin bata sunan rundunar da kuma yaudarar jama’a.

Comments are closed.

hitta mer om recensioner