Wata gobara ta ƙone wasu sassa na shahararriyar Kasuwar Gomboru da ke Maiduguri, babban birnin Jihar Borno.
Bayanai sun ce gobarar dai ta tashi ne a ɓangaren ’yan Katako da ke cikin kasuwar inda ake sayar da itace da kayan kafinta.
Wani ganau da ke wurin ya ce zuwa yanzu ba za a iya tantance barnar da gobarar ta yi ba amma an shawo kan lamarin.
Ya ce gobarar ta tashi ne da misalin karfe 9:50 na dare, inda shaguna da dama suka ƙone a lokacin da jami’an kashe gobara suka isa cikin ta ‘yan mintuna. A bara ma Kasuwar Gomboru dai ta sami irin wannan bala’i na tashin gobara.
