Hukumar Kula Da Man Fetur Ta Najeriya, NMDPRA, Ta Ce Ba Za Ta Sake Kayyade Farashin Man Fetur Ba

Hukumar Kula da Man Fetur ta Najeriya, NMDPRA, ta ce ba za ta sake kayyade farashin man fetur ba.

Shugaban Hukumar, ACE, Farouk Ahmed, wanda ya bayyana haka a wani taron manema labarai a Abuja jiya Juma’a, ya ce daga yanzu yan kasuwa ne za su kayyade farashin a karkashin kasuwar mai sassaucin ra’ayi.

Wannan dai ya biyo bayan cire tallafin da gwamnatin tarayya tayi.

Shugaba Bola Tinubu a jawabinsa na farko a ranar Litinin ya ce tsarin tallafin man fetur ya kare da fara gwamnatinsa.

Tinubu, ya ce a yanzu kasuwar ta bude ga duk wanda zai shigo da shi idan ya cika dukkan bukatu. A cewar Tinubu, aikin NNPC shine ta gyara farashin man fetur din da ta shigo da shi daga kasashen waje da kuma rashin karbar ragamar hukumar.