Masarautar Katsina Tabi Sahun Jigawa, Kano Wajen Dakatar Da Hawan Sallah
Masarautar jihar Katsina, tabi sahun takwarorinta na Kano da nan Jigawa, biyo bayan daukar matakin soke gudanar da shagulgulan bikin sallah babba dake tafe.
Masarautar dai ta aikewa da gwamnatin jihar, dangane da matakin, wanda ta bayyana matsalar tsaro, hadi da cutar alakakai ta corona, a matsayin musabbabi.
- Asusun Tallafawa Jami’an Tsaro Na Musamman Zai Taimaka Wajen Dakile Matsalar Tsaro – Tambuwal
- An Rantsar Da Sabon Kwamishinan Yaɗa Labarai A Jigawa
- An zabi Harshen Hausa a Nahiyar Afrika Don Fassara A Ka’abah
- Sarkin Hadejia Abubakar Maje ya kai Ziyara fadar Kano
- Rashin Bin Ka’idar Gini Ya Sanya Gwamnatin Nasarawa Rushe Gidaje 40
Wasikar wadda aka rubuta da yaren Hausa, aka kuma aikewa da sakataren gwamnatin jihar Alhaji Inuwa Mohammad, na dauke ne da sa hannun sakataren masarautar kuma sallaman Katsina Alhaji Mamman Ifo.
Cikin wasikar, masarautar ta bukaci al’umma da gudanar da bukukuwan sallarsu daga gida, tare da rokon su da suyi amfani da lokacin, wajen yiwa jihar dama kasa baki daya Addua.
