Darajar Naira ta yi faduwar da ba’a taba ganin irin ta ba tun shekarar 1999

0 312

Ta cikin wani dogon jawabi da kididdiga da mujallar tattalin arziki ta Bloomberg ta fitar ta ce shekaru kusan 25 kenan rabon da dala ta tumurmusa Nairar a kasuwar chanji.
Mujallar bata tsaya iya nan ba sai da ta yi hasashen cewa darajar nairar zata ci gaba da faduwa warwars a shekararda 2024, matukar mahukunta basu yi gaggawar daukar mataki ba.
Bayanai na nuna cewa Nairar ta fadi da kaso 55 cikin dari a bana kadai, inda a jiya aka rika sayar da kowacce dalar Amurka daya a kan naira 1,043, abinda ya sanya kudin na Naira ya fadawa cikin jerin kudade marasa daraja a duniya bayan Fan na Lebanon da Peso na Argentina da ke biye mata a baya.
Kididdigar mujallar ta ci gaba da cewa faduwar darajar Nairar ya fara ne tun lokacin da babban bankin kasa CBN ya bar kasuwa ta yi halinta a fannin sauyin kudade, kari akan haka kuma shugaba Tinubu ya cire talllafin man fetur.
Haka kuma mujallar ta ce a yanzu asusun kasashen waje na Najeriya na ganin tasku, kasancewa kullum kasa ya ke yi tun shekaru 6 da suka gabata, abinda ke da nasaba da wasu ka’idojin tattalin arziki da kasashen turai ke kakabawa Najeriya da sunan bayar da tallafi.

Leave a Reply

%d bloggers like this: