Hukumar Jiragen Kasa ta Najeriya ta musanta rahotannin da ke zargin cewa mahara sun kai hari kan jirgin kasan Abuja zuwa Kaduna a shekaranjiya Litinin da rana.
Manajan Darakta na hukumar, Fidet Okiriya, wanda ya musanta hakan cikin wata sanarwa, yace rahotannin, kanzon kurege ne.
A cewarsa, akwai wasu bata gari wadanda suke yawan jefa manyan duwatsu kan jirgin kasa dake tafiya akan hanyar Abuja zuwa Kaduna.
- Hisba ta kai samame wasu gidajen sayar da barasa uku a jihar Jigawa
- Aƙalla mutane uku ne suka rasu a wani sabon rikicin manoma da makiyaya a Jihar Nasarawa
- Jam’iyyar PDP ta sanar da ɗage babban taron shugabaninta na ƙasa
- Ƙungiyar Tuntuɓa ta Dattawan Arewa ta dakatar da shugaban majalisar ƙolinta
- Za’a dauki matakin kafa ‘yan sandan jihohi a Najeriya
Sai dai, ya bukaci masu amfani da jiragen kasan da kada su razana, kasancewar ministan sufuri da hukumar jiragen kasa zasu tabbatar da tsaron lafiyar yan Najeriya akan hanyar.
Kazalika, manajan sufurin jiragen kasan Abuja zuwa Kaduna, Faskal Norli, ya tabbatar da cewa jirgin kasan ya isa tashar Idu a ranar Litinin kamar yadda aka tsara, kuma ya musanta duk wani hari daga mahara.
